दाङ
१८-असोज/ दाङको गढवामा एक किशोरीमाथि सामूहिक बलात्कारको आरोपमा चार जना पक्राउ परेका छन्। बुधबार राति १९ वर्षिया किशोरीलाई विवाह गर्ने प्रलोभन देखाएर गढवा गाउँपालिका(५ मंघरस्थित खाली घरमा बोलाइ जबरजस्ती करणी गरेको अभियोगमा चार जनालाई पक्राउ गरिएको जिल्ला प्रहरी कार्यालय दाङका प्रहरी नायव उपरीक्षक तथा प्रवक्ता ईश्वर थापाले जानकारी दिए ।
पक्राउ पर्नेहरुमा गढवा गाउँपालिका(५ चैनपुर बस्ने १९ वर्षीय किरण चौधरी, सोही वडा मंघर बस्ने सञ्जित चौधरी, १९ वर्षिय धिरज चौधरी र २१ वर्षिय सन्दिप चौधरी रहेका छन् । उनीहरु ४ जनालाई बिहीबार दिउँसो जबरजस्ती करणी गरेको भन्ने उजुरीको आधारमा इलाका प्रहरी कार्यालय गढवाबाट खटिएको प्रहरीले पक्राउ गरेको हो ।
घटनाबारे थप अनुसन्धान भइरहेको प्रहरीले जनाएको छ।
