तुलसीपुर, ५ साउन । दाङको तुलसीपुरमा तीन दिनको अवधिमा ११ वर्षकी बालिका देखि ७२ वर्षकी वृद्ध महिला बलात्कृत भएको घटना सार्वजनिक भएको छ । बिहीबार दिउँसो आँखा अस्पतालबाट उपचार गरेर फर्किनु भएकी प्युठानकी ७२ वर्षकी वृद्ध महिला राति बलात्कारमा पर्नुभएको छ । रातको समयमा तुलसीपुरको बास पार्क नजिकै पिपलबोटमा ओत लागेर बसेकी वृद्ध महिलालाई जाम आमा होटलमा खाना खान भनेर लगेका दुई जनाले बलात्कार गरेका थिए ।
ललाई फकाइ गरेर लगेका दुवैजनाले बसमा लगेर बलात्कार गरेको इलाका प्रहरी कार्यालय तुलसीपुरले जानकारी दिएको छ । बलात्कार पछि विछिप्त वृद्ध महिलाको स्वास्थ्य अवस्था नाजुक रहेको छ । उनलाई सेभहाउसमा राखिएको छ । बसपार्कमा पार्किङ गरिराखेको ना ४ ख ७८४८ नम्बरको बसभित्र लगेर बलात्कार गर्ने तुलसीपुर उपमहानगरपालिका –१५ का ३० वर्षीय पुष्कर रोका र सल्यान कुमाख गाउँपालिका–७ का २० वर्षीय रेशम विकलाई पक्राउ गरेको इलाका प्रहरी कार्यालय तुलसीपुरका निमित्त सूचना अधिकारी एवम् प्रहरी निरीक्षक पर्वत केसीले जानकारी दिनुभयो ।
