तुलसीपुर
९ कार्तिक / गोर्खा माविका प्रधानाध्यापक बिजयमान जीएम अष्ट्रेलियामा “उत्कृष्ट प्रधानाध्यापक अवार्ड २०२४” बाट सम्मानित भएका छन्। कार्यक्रम कात्तिक ७ गते सम्पन्न भएको थियो, जहाँ विभिन्न कलेजका प्रमुख र शैक्षिक क्षेत्रका प्रतिनिधिहरू उपस्थित रहेका थिए।
जीएमलाई यो पुरस्कार उनले विद्यालयमा गरेका उत्कृष्ट कार्यहरूको आधारमा प्रदान गरिएको हो। उनले कुशल नेतृत्व प्रदान गर्दै विद्यालयका विद्यार्थीहरूलाई उत्कृष्ट नतिजा दिलाउने, अतिरिक्त क्रियाकलापमा सक्रियता देखाउने, र शैक्षिक उपलब्धिहरूमा उल्लेखनीय योगदान गर्ने काम गरेका छन्।अष्ट्रेलियामा आयोजना गरिएको यस पुरस्कार वितरण कार्यक्रममा देशभरका कलेजहरूको सहभागिता रहेको थियो।
गोर्खा मावि तुलसीपुरले विगतमा पनि विभिन्न अवसरहरूमा उत्कृष्ट अवार्डहरू प्राप्त गर्दै शैक्षिक क्षेत्रमा आफ्नो विशिष्ट पहिचान स्थापित गर्दै आएको छ। जीएमको यो सम्मानले विद्यालयको शैक्षिक गुणस्तर र व्यवस्थापनमा थप प्रगति गर्ने प्रेरणा दिने विश्वास गरिएको छ।
