तुलसीपुर
३-मंसिर/ दाङको तुलसीपुरमा बसमा चढ्ने क्रममा लडेर एक जना घाइते भएका छन् । सोमबार बेलुका ५ बजेतिर तुलसीपुरबाट काठमाडौंका लागी छुटेको ना ६ ख ७४२९ नम्बरको बसमा घोराही-तुलसीपुर सडकखण्ड अन्र्तगत तुलसीपुर-६ घोराही रोडमा बस चढ्ने क्रममा लडेर एक जना घाइते भएको इलाका प्रहरी कार्यालय तुलसीपुरका प्रहरी निरीक्षक प्रकाश थापाले जानकारी दिए ।
घाइते हुनेमा तुलसीपुर-७ का अन्दाजी ३५ बर्षीय माधव नेपाली रहेका छन् । बसबाट लडेर घाइते भएका नेपालीको राप्ती पादेशिक अस्पताल तुलसीपुरमा उपचार भइरहेको प्रहरीले जनाएको छ । बस र चालकलाई नियन्त्रणमा लिइ थप अनुसन्धान भैरहेको प्रहरीले जनाएको छ ।
