हुम्ला
१६-असोज/ हुम्लामा माटोको ढिस्कोले पुरिएर दुई जनाको मृत्यु भएको छ । बुधवार बिहान दशैं नजिकिए सँगै घर सजावटका लागि माटो खन्ने क्रममा ढिस्कोले पुरिदा दुई जनाको मृत्यु भएको जिल्ला प्रहरी कार्यालय हुम्लाले जनाएको छ ।
मृत्यु हुनेमा जिल्लाको दक्षिण भेगमा पर्ने ताँजाकोट गाउँपालिका–३ रामका २५ वर्षीय धुव्र शाही र सोही स्थानकी २४ वर्षिया मनसुरा मल्ल रहेकी छन् ।
दशैंमा घर सजावटका लागि घरभन्दा आधा घण्टाको दूरीमा रहेको औलको सियाणी खोलामा माटो खन्न गएका उनीहरूको ढिस्कोले पुरिएर मृत्यु भएको हो । उनीहरूसँगै गएका अर्का एक स्थानीय लालबहादुर शाही सामान्य घाइते भएका छन् ।
घाइतेको स्थानीय स्वास्थ्यचौकीमा उपचार भइरहेको छ भने मृतकको शव जिल्ला अस्पताल हुम्लामा पोस्टमार्टमका लागि पठाइएको प्रहरीले जनाएको छ ।
