काठमाडौं
२१-कार्तिक/ प्रधानमन्त्री सुशीला कार्कीले मतदाता नामावलीमा नाम दर्ता गर्न सबै नागरिकलाई आह्वान गरेकी छन्।
नाम दर्ता गर्न तोकिएको म्याद अब केवल ९ दिन मात्र बाँकी रहेको स्मरण गराउँदै उनले नामावलीमा आफ्नो नाम अनिवार्य रूपमा दर्ता गर्न आग्रह गरेकी हुन्।
प्रधानमन्त्री कार्कीले आज आफ्नो एक्स (पूर्व ट्विटर) खातामा लेखेकी छन्, “तपाईंको मत नै तपाईंको आवाज हो। मतदाता परिचयपत्र दर्ता गर्न अब मात्र ९ दिन बाँकी।”
निर्वाचन आयोगले आगामी फागुन २१ गते हुने निर्वाचनका लागि कात्तिक ३० गतेसम्म मतदाता नामावलीमा नाम दर्ता गराउने कार्यतालिका निर्धारण गरेको छ।
